Posts Tagged ‘Կիսաքլգոց’

     Եթե իմ խելքի մարդիկ էլի կան (իսկ ես կարծում եմ, որ ամեն դեպքում կլինեն), գիշերը հաստատ քնած չեն լինի ու նայած կլինեն` "երկիր մեդիա"-ով կամ օնլայն, կապ չունի: Մի խասքով, եթե գիշերը չեք քնել ու նայել եք, ուրեմն էն ոգին, էն էմոցիան, էքսպրեսիան ու էլի տենց ամպագոռգոռ բաներ, որ երեկ ժամը 3:30ի կողմերը փոխանցվելա, զգացած կլինեք: Հաղթանակի շունչը, եպարտությունը, ուժեղ գոռալու ցանկությունը…: Երևի բառերով դժվար լինի փոխանցել էն, ինչ-որ զգացել ենք էդ պահին…

Ֆրանսիան ապացուցեց, որ հայ-ֆրանսիական բարեկամությունը ամուր հիմքի վրա է ու որ պատմության ընթացքում իրագործված ամենամեծ ոճիրի մասին ոչ ոք չի կարող մոռանալ:

Իսկ ով, որ տեղյակ չի, ասեմ, որ մոտ 7.5 ժամվա ակտիվ բանավեճից հետո Ֆրանսիայի սենատը ի վերջե վավերացրեց "Հայոց Ցեղասպանության ժխտումը քրեականացնող օրինագիծը": Քվեարկությանը մասնակցած սենատորներից 127-ը կողմ քվեարկեցին, 86-ը դեմ:

Advertisements


     Էսօր բողոքավոր եմ զարթնել, չզարմանաք:
Ուզում եմ մագիստրատուրա տամ ու գնում ամեն տեղ հետաքրքրվում եմ: Բոլորից լսում եմ "մեզ մոտ կրեդիտային համակարգ է" արտահայտությունը: Ու "ինադու" հարցնում եմ. "Իսկ կարո՞ղ եք բացատրել, թե ինչ է իրենից ներկայացնում կրեդիտային համակարգը, ինչպես է այն գործում, ինչ առավելություններ ունի…": Ու սենց լիքը հարցեր եմ տալիս ու զգում եմ, որ շշկռվում են:

Ոչ մեկ չկարողացավ իմ հարցերին բավարար պատասխան տալ: Դասախոսները իրենք էլ չգիտեն, թե ինչ է կրեդիտային համակարգը, էնքան որ լսել են ու քցել բերանները: Պատասխաններից մեկը. "Տարվա ընթացքում դուք հավաքում եք կրեդիտներ` ներկայության, ակտիվության և միջանկյալների միջոցով, հետո էդ ամեն ինչը գումարվումա իրար և համակարգիչը հաշվում է և հայտնում վերջնական արդյունքները":

Իրականում համակարգիչը ինչ ուզում հաշվումա, ու մենք ոչ մի ձև չենք կարողանում ապացուցել, որ օրինակ մեր գնահատականը ավելի բարձր էր: Մենակ նստում, սպասում ենք համակարգչի անակնկալներին:

Բայց ասեմ, որ ահագին "զարգացել էին", ինձ ասացին, որ միջանկյալները համակարգչի միջոցով են անցկացվում: Համակարգիչը միացնելուն պես ժամանակը տրվում է ու լրանալուն պես, համակարգիչն անջատվում է: Հասցրիր, հասցրիր, չէ, չէ:

Թե ասա էս ինչ թազա ձևերա, հալալ չէր մի քանի տարի առաջ: Գիտեինք 5 տարի սովորենք, միանգամից մագիստրասի կոչումով ու մի հատ քննություն էլ: Բա չէ միջանկյալ, կրեդիտային համակարգ: Էլ ով դիմանաա: